بسم الله الرحمن الرحيم_ اختي صاحبة مركز ملكة الرشاقه

بسم الله الرحمن الرحيم

افضل السلاه والصلاه على نبينا محمد (صلى الله عليه وسلم)

اختي الفاضله صاحبة مركز ملكة الرشاقه الجميل

اود ان افرغ مابقلبي لك يا اختي الكريمه

يا اختي قبل بضعة اسابيع أمرتي بايقاف عضويه احد المشتركات بالمركز وهي من
الفتره الصباحيه
ولا اعلم لماذا تم طرد هذه العضوه (سوف ارمز لاسمها _اول حرف (ر) واخره (ه))

وعلما بان هذه العضوه هي مؤدبه واخت فاضله ومحبوبه لدى الجميع
لقد طردتيها وقلتي لها (بان العاملات اشتكو عليها)
وانتي لاتعلمين مافعلته تلك العضوه لعاملاتك المنافقات الاتي يركضن وراء مصلحتهن
اختي لاتعلمني بان هذه العضوه كانتت متواضعه ورقيقه القلب وعاملاتك (امينه+جانيت+ايما) قامو باستغلالها
فان لبست العضوه ر.ح) ملابس جميله تراكضت جانيت وطلبت منها ان تشتري لها نفس الملابس وحين تسمعها امينه تقوم بطلب الملابس من هذه العضوه
لو اعد واحصى عدد المرات الي طلبو منها شراء الملابس ومشواير جانيت وامينه
لا استطيع عدها
باختصار باكتب بالعاميه:
العضوه الي طردتيها وايد طيبه ووايد حليوه وكل البنات والحريم الي يون الصبح اغلبهم صديقاتها وجانيت وامينه كل مايشوفون شي حلو عليها يروحون يتلصفون فيها ويقولون لها اشتري يبيلي واهي كانت تشتري لهم ببلاش
ولما شافت حركاتهم وقلة ادبهم قالت تبون بييب لكم بفلوس لان وايد مصخوها ووايد استغلوها

وكانت تطلع جانيت وتوديها مشاوويرها وامينه تطلع معاها
ومره الاخت العضوه كانت تسولف مع صديقاتها قالت انا رايحه دبي وشريت اغراض باجر تعالو بيتي وشوفها قامت جانيت وامنيه قالو لها لا يبي عندنا نبي نشوف ونشتري منج
قالت العضوه ممنوع لا مو يايبه شي
امينه قالت لا عادي مدام ماتيي الصبح مابتدري

وعاملاتج مايا بعينهم ولا شي
لين خذو منها كل شي ونفضو جيبها الحين صارت العضوه هذي موب زينه والله العظيم حرام
والحين اذا احد ياب طاري اسم العضوه تنط امينه وتقول هو مينشن هير نيم قليلة الادب

والعضوه الي اشتكت عليها يمكن يكون سبب بفصلها بس انتي ماتعرفين السالفه كلها
العضوه (ره) جدا شعبيه وتحب تتعرف على الناس وهي سئلتها فيج عرج فلبيني والثانيه مارضت وسبتها جدام صديقاتها واشتكت عليها

وانا مو عارفه شلون تسمعين من عاملاتج وماتسمعين لها مسكينه
شلون تطردين وحده عمرها 40 سنه ام عيال تخاف ربها انسانه مصليه وتصدقين هالفلبينات وامينه ماتصلي ولاتستحي العياره
شلون تصدقينهم وماتصدقين بنت ديرتج؟؟؟؟
وهي لما كلمتج ويمكن غلطت عليج لانها كانت تصيح وانتي احرجتيها جدام صديقاتها بتوقيفج عضويتها اكيد بتعصب وبتقول كلام وهي قالت بتشتكي والله العضيم بس كلام
والله ماتعرفين قلب الانسانه هذي قلبها ابيض مثل السما بعد يومين قالت لا حرام مابشتكي الشكوى لله بس قالت هذا رزقها مابي اظلم احد
والله هي انسانه محترمه
وانا اكتب لج عشان تعرفين الحق مو اكثر يا اختي
وانا صديقتها لما طردتوها طلعت معاها ولا بسجل بناديكم

بس بقولج نصيحه خافي الله واحترمي العضوات ولاتظلمين احد عشان الله يوفقج ويرزقج من اوسع ابوابه واتمنى انج تحترمين بنات ديرتج وتعرفين ان الناس الي تسجل بنادي او مركز رياضي مب شرط تبي تضعف في ناس عندها مشاكل وتبي ترفه عن نفسها وانتو تظلمون ولاتحترمون العضوات واول مره اشوف العاملات قبل الزباين
اختي اذا وحده عندها مشاكل وتعبانه نفسيا وسجلت بنادي وطلعو عاملات النادي منافقات وظالمات ولايحترمون احد اكيد الزبون مابيرتاج ولابيقعد بنادي
انتبهي على سمعة النادي لان صار حديث الناس
انتي لازم توفرين الرفاهيه وتعرفين ان الناس عندها هموم تواضعي لله واحترمي الزباين وساهمي في رفاهيتهم لاتظلمين احد خل الناس تستاتنس عشان تترفهين بدنيتج والجنه باذن الله لاخره
والله يسامحكم

مع السلامه